منتدى لمسة رقة

منتدى لمسة رقة

منتدى كلية الآداب قسم الفلسفة بجامعة الفيوم
 
الرئيسيةالتسجيلدخول

شاطر | 
 

 عيد الحب

اذهب الى الأسفل 
كاتب الموضوعرسالة
AhMęĐ ŖąGąß
AdMiNSTRATOR
AdMiNSTRATOR
avatar

تاريخ التسجيل : 06/01/2010
العمر : 26

مُساهمةموضوع: عيد الحب   الثلاثاء 09 فبراير 2010, 7:51 pm




بصراحة انا مكنتش بهتم باليوم دة
الا وهو يوم عيد الحب

ولكن بناءا على طلبكم بانشاء قسم للمناسبات
وخاصة لقرب موعد عيد الحب
فهذا ما استطيع ان اقدمه

يا رب يعجبكوا الموضوع





اللي عاوز اتكلم عنه النهاردة هو عيد الحب،

كنت قاعد من شوية بتفرج علي التليفزيون ولقيت معظم القنوات الفضائية وبعض المحليات مهتمة بموضوع عيد الحب، فسرحت بخيالي و قعدت افكر واقول ياتري ليه يوم 14 فبراير بالذات اللي العالم كله بيحتفل فيه بعيد الحب؟ وسرحت بخيالي وتخيلت انه في اليوم ده الحبيب الاسطوري ضحي بحياته علشان ينقذ حبيبته من الموت و علشان كدا الناس بتحتفل بأروع قصة حب حصلت في التاريخ، وسالت نفسى ياتري مين دي اللي تستاهل الواحد يضحي بحياته علشانها ؟ وليه حبها الحب ده كله لدرجة انه ضحى بحياته فى سبيلها ؟

طبعا مكنش ينفع اسكت علي الموضوع دة،
لاء لازم اعرف القصة بالتفصيل واعرف السر اللي ورا يوم 14 فبراير ده بالذات.

فتشت على النت عن الحكاية واخيرا بعد عناء عرفت الحكاية وقصة الاخ فلانتينو اللي دوخني معاه علشان اعرف حكايته.

وتبدأ الحكاية يا سادة يا كرام بعد تولي الملك رومليوس الحكم في العصر الروماني واللي سموا مدينة روما بإيطاليا علي اسمه. وكانت الديانة ايامها هي الوثنية او بمعني تاني كانوا بيعبدوا الاصنام. ولان الملك رومليوس كان بطل وملك قوي في نظر الرومان بدأت تنتشر الحكايات والروايات عن اسطورة الملك رومليوس اللي كان بيرضع لبن اللذئب وهو صغير واللي كان سبب في قوته وبطولته ومكره ودهائه للوصول للحكم.

اما حكايته مع شهر فبراير بالذات فلأنه تولي الحكم في منتصف شهر فبراير وكان الرومان بيحتفلوا كل سنة في هذا الشهر بتولي الملك الوثني رومليوس الحكم وطبعا لان الرومان كانوا من عشاق الجسد واللي ظاهر بصورة واضحة علي كل اثارهم الموجودة حاليا كانت مظاهر احتفالهم بهذا اليوم ايضا فيها اهتمام بالجسد وشهوة الجنس، فكان الرومان في اليوم ده بيجيبوا كلب ومعزة ويدبحوهم ويغسلوا بدمهم اقوي رجلين عندهم، شابين وسيمين ومفتولي العضلات ويلطخوهم بدماء الكلب والمعزة، طبعا واحد هيقولي اشمعني يعني كلب ومعزة؟ بصراحة مش عارف بس جايز كان عندهم وفرة في الكلاب والمعيز علشان كدا كانوا بيتخلصوا منها بالطريقة دي.

المهم، طبعا قبل ما المعزة تدبح كانوا بيحلبوها الاول علشان يغسلوا بيها الدم اللي علي جسم الشابين اياهم. بعد كدا يسير الشابين عرايا في الشارع وتقف البنات علي الصفين ويقوم الشابين اياهم بإغراء البنات وبعد كدا انتوا متوقعين الباقي مفيش داعي اكمل.

وفضل الرومان يحتفلوا باليوم ده من يوميها ونسوا اصلا ان سبب الاحتفال هوا الاحتفال بالملك رومليوس. ومرت سنين كتيرة علي دا الحال وطبعا البنات كانت بتستني منتصف فبراير من كل عام علي احر من الجمر. وبعدها اعتنق الرومان الديانة المسيحية وبدأ عصر الحروب الرومانية المتتالية وخصوصا ايام القائد كلوديوس الثاني في القرن الثالث الميلادي، اللي كان صاحب القرار الشهير بمنع اي جندي من الزواج حتي يتفرغ للحرب ولا ينشغلوا عن امن البلاد. طبعا اللي كان بيخالف الاوامر كان بيتعدم علطول.

من هنا ظهرلنا الاخ فلانتينو الشهير اللي دوخنا ودوخ البنات معاه، اما فلانتينو أو القديس فلانتين فكان من اشد المعترضين علي قرار منع زواج الجنود ايام القائد كلوديوس التاني وكان بيقوم بتزويج الجنود سرا، ولما افتضح امره لدي القائد كلوديوس امره بحبسه لحين محاكمته واصدار حكم المحكمه عليه.

واخيرا صدر الحكم بإعدام القديس فلانتين، وكان اليوم المقرر لإعدامه كان يوافق يوم 14 فبراير من عام 270 ميلاديه، وبالتالي تحول يوم احتفال الرومان بمنتصف فبراير الي الاحتفال بالقديس فلانتينو اللي كان بينادي بالحب والسلام وسمي بعيد فلانتينو وبعدها سمي بعيد العشاق او عيد الحب ولكن علي ما اعتقد بعد لما مات كلوديوس التاني لان محدش كان هيقدر يسمي اليوم ده كدا لو كان لسه كلوديوس عايش.

انتهت القصة، فين بقا الحبيب الاسطوري اللي ضحي بحياته علشان حبيبته؟ وفين اصلا القصه اللي تخلي العالم يحتفل باليوم ده؟ القصة حتي مفيهاش ريحة الرومانسية، صدمتني يا فلانتينو ونا اللي كنت مفكرك مقطع السمكة وديلها.

بعيد بقا عن رأي الدين في الموضوع والفتاوي اللي اصدرتها بعض الدول العربية بشأن الاحتفال بهذا اليوم وكمان بعيد عن رأي ناس كتير حرمت الاحتفال باليوم ده لانه بمثابة رجوع للوثنية الرومانية وعصر الجاهليه قبل الاسلام.

الي كل الاحباب في كل مكان عيد حبكم عمره ماهيكون يوم 14 فبراير ،
عيد حبكم هو اول يوم دق قلبكم بنبض الحب،
عيد حبكم هو اول يوم صارحتم بعضكم بحبكم،
عيد حبكم هو اول يوم قابلتوا فيه بعضكم،
عيد حبكم هو اليوم اللي شجعتوا بعض علي طاعة الله،
عيد حبكم هو يوم نجاحكم سوا في حياتكم،
عيد حبكم هو يوم خطوبتكم،
عيد حبكم هو يوم شبكتكم،
عيد حبكم هو يوم جوازكم،
عيد حبكم هو يوم ماعرفتوا ان فيه شخص تالت هيشاركوا حياتكم (طبعا ابنكوا لحسن تفتكروا حد تاني).
عيد حبكم هو يوم ميلاد اطفالكم،
عيد حبكم يوم لما ينجح ابنكم، او يخطب ، او يتجوز..........أو ......أو..........


وبكدا هتكون كل السنة حب في حب ليه بقا نرضي نكون بخلاء ونخلي يوم واحد في السنة هو عيد حبنا







الرجوع الى أعلى الصفحة اذهب الى الأسفل
http://arkafm.ahlamontada.net
Mr.Beast
فيلسوف نشيط
فيلسوف نشيط
avatar

تاريخ التسجيل : 11/01/2010
العمر : 31

مُساهمةموضوع: رد: عيد الحب   الثلاثاء 09 فبراير 2010, 8:29 pm

أكثر من رائع ياأحمد والله

رغم إن ده مش غريب عليك التميز ده ياأحمد


الرجوع الى أعلى الصفحة اذهب الى الأسفل
http://thebeast.alafdal.net
TOTY MOOR
فيلسوف نشيط
فيلسوف نشيط
avatar

تاريخ التسجيل : 31/01/2010
العمر : 25

مُساهمةموضوع: رد: عيد الحب   الأربعاء 10 فبراير 2010, 4:35 am

بص هى القصة مش مثيره اوى
بس والله العظيم جميله جدا
وهو فعلا ده مش جديد عليك
وبجد شكرا لانك نفذتلى رغبتى
فى انشاء القسم ده
بس انا اول مره اسمع
عن الملوك دول
هههههههه
اكيد انت تعرفهم
لانك دارس تاريخ
الرجوع الى أعلى الصفحة اذهب الى الأسفل
mody modern
فيلسوف نشيط
فيلسوف نشيط
avatar

تاريخ التسجيل : 10/01/2010
العمر : 28

مُساهمةموضوع: رد: عيد الحب   الأربعاء 10 فبراير 2010, 6:05 am

كـــــل عيــــد حب وانت طــيب يراجل يـــــــــــــــــــطيب



جميل بس الحب ده خلاص انساه حب ايه وبتاع ايه






كلو دلوقتى بيدور على مصلحتو ؟؟؟؟؟؟؟؟؟





بس مش معنى كلامى ان انا بكرهو لا انا بدور عليه بعد مكان معايا بس مش انا اللى ضيعتو





تسلم اديك يكبـــــــــــــــــــــــــــير ومستنيين الحب ياجى
الرجوع الى أعلى الصفحة اذهب الى الأسفل
http://manoo.yoo7.com/forum.htm
AhMęĐ ŖąGąß
AdMiNSTRATOR
AdMiNSTRATOR
avatar

تاريخ التسجيل : 06/01/2010
العمر : 26

مُساهمةموضوع: رد: عيد الحب   الأربعاء 10 فبراير 2010, 6:36 am

نورت التوبيك مستر بيست

اسعدنى مرورك والله




مرسى يا هند على مرورك

نورتى التوبيك يا جميل




نورت التوبيك مودى

وباذن الله الحب ياجى وكله يبقى تمام

اسعدنى مرورك









الرجوع الى أعلى الصفحة اذهب الى الأسفل
http://arkafm.ahlamontada.net
mr.chelsea
فيلسوف صغنون
فيلسوف صغنون
avatar

تاريخ التسجيل : 06/02/2010
العمر : 31

مُساهمةموضوع: رد: عيد الحب   الأربعاء 10 فبراير 2010, 10:42 am

ميرسي ليك علي توضيح الخقيقة وانا بايدك وبايد كل حد بيصحح القيقة وان لكل واحد عيد حخب خاص بية دة الي جانب راي الدين وبجد تسلم علي التوبيك الجااااااااااااااااااااااامد
الرجوع الى أعلى الصفحة اذهب الى الأسفل
AhMęĐ ŖąGąß
AdMiNSTRATOR
AdMiNSTRATOR
avatar

تاريخ التسجيل : 06/01/2010
العمر : 26

مُساهمةموضوع: رد: عيد الحب   الأربعاء 10 فبراير 2010, 3:57 pm

نورت التوبيك مستر تشيلسى

اسعدنى مرورك





الرجوع الى أعلى الصفحة اذهب الى الأسفل
http://arkafm.ahlamontada.net
توتا اكشن
فيلسوف حريقة
فيلسوف حريقة
avatar

تاريخ التسجيل : 19/02/2010
العمر : 28

مُساهمةموضوع: رد: عيد الحب   الثلاثاء 23 فبراير 2010, 5:44 pm

نايس ياجميل
الرجوع الى أعلى الصفحة اذهب الى الأسفل
AhMęĐ ŖąGąß
AdMiNSTRATOR
AdMiNSTRATOR
avatar

تاريخ التسجيل : 06/01/2010
العمر : 26

مُساهمةموضوع: رد: عيد الحب   الثلاثاء 23 فبراير 2010, 11:27 pm

نورتى التوبيك توتا
وعقبال ما نحتفل كلنا هنا بفرحك
مرسى يا جميل




الرجوع الى أعلى الصفحة اذهب الى الأسفل
http://arkafm.ahlamontada.net
توتا اكشن
فيلسوف حريقة
فيلسوف حريقة
avatar

تاريخ التسجيل : 19/02/2010
العمر : 28

مُساهمةموضوع: رد: عيد الحب   الأربعاء 24 فبراير 2010, 5:27 pm

ميرسي اليك ياجميل
الرجوع الى أعلى الصفحة اذهب الى الأسفل
 
عيد الحب
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى لمسة رقة :: عاااااااااام :: مناسبات وتهنئة-
انتقل الى: