منتدى لمسة رقة
رسالة مبارك لشعب مصر ( أحمد فؤاد نجم ) 76167492
منتدى لمسة رقة
رسالة مبارك لشعب مصر ( أحمد فؤاد نجم ) 76167492
منتدى لمسة رقة
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

منتدى لمسة رقة

منتدى كلية الآداب قسم الفلسفة بجامعة الفيوم
 
الرئيسيةأحدث الصورالتسجيلدخول

 

 رسالة مبارك لشعب مصر ( أحمد فؤاد نجم )

اذهب الى الأسفل 
كاتب الموضوعرسالة
AhMęĐ ŖąGąß
AdMiNSTRATOR
AdMiNSTRATOR
AhMęĐ ŖąGąß


تاريخ التسجيل : 06/01/2010
العمر : 31

رسالة مبارك لشعب مصر ( أحمد فؤاد نجم ) Empty
مُساهمةموضوع: رسالة مبارك لشعب مصر ( أحمد فؤاد نجم )   رسالة مبارك لشعب مصر ( أحمد فؤاد نجم ) I_icon_minitimeالجمعة 05 نوفمبر 2010, 7:25 am




يا شعبي حبيبي يا روحي يا بيبي يا حاطك في جيبي يا ابن الحلال



يا شعبي يا شاطر يا جابر خواطر يا ساكن مقابر وصابر وعال



يا واكل سمومك يا بايع هدومك يا حامل همومك و شايل جبال



يا شعبي اللي نايم وسارح وهايم وفي الفقر عايم وحاله دا حال



أحبك محشش مفرفش مطنش ودايخ مدروخ وآخر انسطال



أحبـك مكبـر دماغـك مخـدر ممشـّي أمورك كده باتكال



وأحب اللي ينصب وأحب اللي يكذب وأحب اللي ينهب ويسرق تلال



وأحب اللي شايف وعارف وخايف وبــالع لســانه وكاتم ما قال



وأحب اللي قافل عيونه المغفل وأحب البهايم وأحب البغال



وأحب اللي راضي وأحب اللي فاضي وأحب اللي عايز يربي العيال



وأحب اللي يائس وأحب اللي بائس و أحب اللي محبط وشايف محال



وأحبك تســـافر وتبعد تهاجــر وتبعت فلوسك دولار أو ريال



وأحبك تطبـّل تهـلل تهبـّـل عشان ماتش كورة وفيلم ومقال



وأحبـك تأيــّد تعضّـد تمجّــد توافق تنافق وتلحس نعال



تحضّر نشـادر تجـمّع كوادر تلمـّع تقمـّع تظبـّط مجـال



لكن لـو تفكـّر تخـطط تقـرر تشغل لي مخك وتفتح جدال



وتبدأ تشاكل وتعمل مشاكل وتنكش مسائل وتسأل سؤال



وعايز تنور وعايز تطور وتعمل لي روحك مفرد رجال



ساعتها هاجيبك.. لا يمكن أسيبك وراح تبقى عبرة وتصبح مثال



هابهدل جنابك وأذل اللي جابك وهيكون عذابك دا فوق الاحتمال



وأمرمط سعادتك وأهزأ سيادتك وأخللي كرامتك في حالة هزال



وتلبس قضية وتصبح رزية وباقي حياتك تعيش في انعزال



هتقبل ها حبك.. هترفض هلبـّك هتطلع هتنزل هاجيبلك جمال


الرجوع الى أعلى الصفحة اذهب الى الأسفل
https://arkafm.ahlamontada.net
 
رسالة مبارك لشعب مصر ( أحمد فؤاد نجم )
الرجوع الى أعلى الصفحة 
صفحة 1 من اصل 1
 مواضيع مماثلة
-
» مبارك والاجتماع فى شرم
» حسني مبارك وام الدنيا مصـــر
» رسالة اب صعيدي الي ابنه‏
»  فلسفة الأخلاق عند الجاحظ د. عزت السيد أحمد
» أحمد رجب كامل أمين محمد فايد

صلاحيات هذا المنتدى:لاتستطيع الرد على المواضيع في هذا المنتدى
منتدى لمسة رقة :: رأيك يهمنا :: حوارات ومناقشات....-
انتقل الى: