منتدى لمسة رقة

منتدى لمسة رقة

منتدى كلية الآداب قسم الفلسفة بجامعة الفيوم
 
الرئيسيةالتسجيلدخول

شاطر | 
 

 قصيدة ايوه بغير للشاعر هشام الجخ

اذهب الى الأسفل 
كاتب الموضوعرسالة
حازم صاحب حسام
فيلسوف صغنون
فيلسوف صغنون
avatar

تاريخ التسجيل : 29/03/2011
العمر : 26

مُساهمةموضوع: قصيدة ايوه بغير للشاعر هشام الجخ   الثلاثاء 29 مارس 2011, 9:04 pm


أيوة بغير
لا انا نقصان ولا ضعفان
ولا مسطول ولا سكران
ولا زايغ من عيني الضيّ
ولا حد احسن مني في شيّ
بس بغير

واللي قالولك غيرة الراجل قِلّة ثقة او قلة فَهم
خَلْق حمير

غيرة الراجل نار في مَرَاجِل
نار بتنوّر مابتحرقش
واحنا صعايدة بنستحملش
شمسنا حامية وعِرْقنا حامي وطبعنا حامي
واللي تخلّي صعيدي يحبها
يبقى يا غُلْبها
اصلنا ناس على قد الطيبة
كلنا هيبة
والنسوان في بلادنا جواهر
طب لو عندك حتة ماس
حتخلّيها مداس للناس؟؟
ولا حتقفلي اوضة عليها بميت ترباس
يمكن حتى تأجري ليها جوزين حراس
يبقى انا لا انا جاهل ولا غافل
كل الفرق ما بيني وبينك اني صعيدي
ينعل ابو ده اليوم الاكحل
اللي لا ليه اخر ولا اول
اللي طلعت لقيتني صعيدي

لو كان بايدي
كنت اعملك هندي بريش
واقلب شعري كنيش كرابيش
والبس لك سلسلة متدلدلة خرزة وقلب
بس ازاي البس لك سلسلة ؟؟ هو انا كلب ؟؟

ثم العبرة ماهيش في اللبس
اصل المشكلة عندك .. عندك ..
قلت حاسيبها وبكرة تحس
بعده تحس
بعده تحس
ده انا لو جبس كنت زعقت
ماشي صداقة وماشي زمالة
بس ماجَتْش على الرجالة

ماهي نسوان الدنيا كتير
وانا ما بقولش تخاصمي الناس
ولا تِتْحِجبي عن الرجالة
ولا تعتكفي وتسكني دير
بس يا ريت حبة تقدير
اني بحبك
واني بريدك
واني زرعت حياتي في ايدك
واني غزلت بنات الدنيا عقود على جيدك
واني تعبت من التفكير
واني بغير

الرجوع الى أعلى الصفحة اذهب الى الأسفل
AhMęĐ ŖąGąß
AdMiNSTRATOR
AdMiNSTRATOR
avatar

تاريخ التسجيل : 06/01/2010
العمر : 26

مُساهمةموضوع: رد: قصيدة ايوه بغير للشاعر هشام الجخ   الأربعاء 30 مارس 2011, 6:51 am

جميلة جدا
القصيدة دى من ضمن القصايدة اللى بحبها جدا
لهشام الجخ
ثانكس حازم




الرجوع الى أعلى الصفحة اذهب الى الأسفل
http://arkafm.ahlamontada.net
 
قصيدة ايوه بغير للشاعر هشام الجخ
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى لمسة رقة :: عاااااااااام :: شعر وخواطر-
انتقل الى: