حلينا الخناقة والحمد لله وصالحنا الناس على بعضيها ( مش هنقول ممنوع الدخول )

AdMiNSTRATOR تاريخ التسجيل : 06/01/2010 العمر : 32

بعد تفكير وجمع تجارب حالية
وتجارب سابقة
ومواقف وطرائف
وصداقات تنجح وصداقات تفشل

جايبلكم الخلاصة

كل اللي شوفته في الدنيا بيقولي
إن القرب قوي
القرب بزيادة
بيتبعه بعد ومسافات شاسعة
عاوز/ة تحافظ/ي على أي علاقة مع حد بتحبه
إمشي في هذه الدنيا براحة
حب بس بشويش
حبي من غير آمال عالية

أنا عارف إن ده كلام نظري
أو من وجهة نظرك نظري
لكن لو فكرت نفسك إن اللي بتحبه جدا وباندفاع ده

ممكن تخنقه ساعات

ممكن تحكيله حاجات تضايقك بعدين
بعد ما تقعد على كرسي الإعتراف من كتر حبه جوا قلبك

ممكن يصبح عشمك زايد فيه جدا وكل يوم يزيد غلاوة بزيادة من كتر ما دلدقت عليه حب وحنية وهو أساسا مش شخص يستطيع تحمل كل هذا العشم

- عارف بس لو فكرت نفسك باللي هاتخسره لما تبعد عنه نتيجة للخنقة
أو عدم الراحة من خروج اسرارك
أو عشمك اللي ممكن يكون مش في محله وميكونش هو أو هي بالجودة اللي انت اتصورتها

ساعتها ها تعتمد الطريقة المثلى في حب البني آدمين
كل ما تحس إن اللي قدامك ده غاية مرادك من الحياة
إنفصل وارجع لورا شوية من غير زعل ولا مشاكل

مشاغل الحياة كتيرة إديها فرصة تحافظ على مسافة بينكم
هاتشتاق ويشتاق الطرف التاني لو فعلا بينكم صداقة حقيقية
ومش ها تبعدوا طالما متفاهمين
وها تحترموا الخصوصيات والمشاغل
وتخرجوا نفسكم من أسلوب القمص والخصام والعتاب اللي بيخسر الناس بعضها
ولو أساسا مكنتوش صحاب لكن جمعت بينكم الظروف هاتفارق من غير جروح غائرة
مجرد ما تخلص المصلحة كل واحد هاتاخده سكة بعيدة بس بذكريات جميلة

أنا بعمل كده في كل صداقة احتفظت بيها على مدار سنين طويلة
لا قرب خانق
ولا بعد يصنع جفاء
ولا أسمع اسرار تضايق صاحبها بعد ما يفوق
ولا أقول اسرار تضايقني بعد ما افوق
ولا أعطي لنفسي حقوق الأقرباء
ولا أسمح بأن يعطيها شخص لنفسه

- هلاقى واحد بيقولى يعني انت عمرك ما إندفعت وحبيت حد ومعرفتش تطبق الخطة دي؟

- مين قال كدة
بس هي الخطة جت منين أساسا
مش غلطت؟ .. والغلط خلاني أقف وآخد موقف وأخد قرارات وأنفذها
ولما نسيت .. تحصل حاجة ترجعني لقواعدي تاني
وعلى راى المثل
أرجع أقول مش كل سمكة مملحة يخدعنا بطروخها

- وبعدين غلط اصلا اننا نسمى النوع اللى فات دة صداقة
ماهي دي مش صداقة اساسا
وانا بعرفها انها مجرد تبادل مصالح لعواطف غير ناضجة
بينهم هم الأتنين

وكفاية كدة عشان ادخل انام بقا عندى محاضرة الصبح

بس احب اختم واقول
- ما كان لله دام واتصل وما كان لغيره انقطع وانفصل

وعلى رأى المثل
عاشر يابن آدم مسيرك مفارق

فيلسوف صغنون تاريخ التسجيل : 12/02/2010 العمر : 32

جميل بس في الاخر احنا بشر عواطفنا غالبا ما تغلب عقولنا لكن عندك حق في انه لابد لنا مراجعه هذه العلاقات

انا بالنسبالي الصداقه نعمه كبيره اووووووووووووي حتي لو الشخص ده انا مش بالنسباله زي ما هو ليا هيفضل احترامه عندي وتقديري ليه زي ما هو بس مش اعتقد انه هيكون محل ثقه لاسراري التافهه
والصداقه الفاشله هي احسن بكتير لانها اللي بتعلمنا ازاي نختار بعد كده بس والحمد الله وبكل فخر انا اكتر وحده مش بتتعلم وبتثق في اي حد بس الميزه اني بستعيد وعيي بسرعه او علي الاقل زي ما بيقولوا قبل فوات الاوان هههههههههههههههههههههههههههههههههههههههههههههههه

ميرسي يا احمد علي الموضوع الجميل وربنا يوفقك دايما

موضوع: رأي صريح الثلاثاء 05 أكتوبر 2010, 9:52 am

حلينا الخناقة والحمد لله وصالحنا الناس على بعضيها ( مش هنقول ممنوع الدخول ) 12570933251079

ImageShack.us

انا اختلف معاك بكل المقاييس ليه بقي اولا انت شويه بتتكلم عن صداقة وشويه بتتكلم عن حب بين اتنين وشويه اتكلمت عن اتنين جمعتهم صدفه عشان مصالح . طريقه التعامل بين كل اتنين من اللى انت ذاكرهم مختلفه كليا انت قولت
إن القرب قوي
القرب بزيادة
بيتبعه بعد ومسافات شاسعة
انا شايف ان الصديق الصح عمره ما يبعد عن صديقه ده لو صديق صح فعلا اما فى الحاله اللى انت بتقولها دى عشان يحصل بعد لازم يكون فى نوع من الخلل فى علاقتهم اذا نظريتك فرديه متنفعش تطبق الا فى العلاقه الفاشله واللى على حد ذكرك بيبتع القرب فيها بعد دى حاجه .

الحاجه التانيه يعني ايه حب او حبي بالراحه من غير آمال عاليه دى انا مش عارف تقصد بيها ايه؟ .

الحاجه التالته يعني ايه ممكن تحكيله حاجات تضايقك بعدين
بعد ما تقعد على كرسي الإعتراف .......... انت كده خلاص بقيت بتتكلم عن اتنين كارهين بعض اصلا ههههههههه لما هو هيضايق انه حكى لصديقه سر فاضل ايه تاني بقه دى كده تبقى العلاقه انتهت من وجهه نظري
نيجي بقى كل ما تحس إن اللي قدامك ده غاية مرادك من الحياة (يعني انت غاية مرادى فى الحياة ؟ )

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
اللي فات ده كان النقد بس برده فى حته عجبتني وهي

لا قرب خانق
ولا بعد يصنع جفاء
ولا أسمع اسرار تضايق صاحبها بعد ما يفوق
ولا أقول اسرار تضايقني بعد ما افوق
ولا أعطي لنفسي حقوق الأقرباء
ولا أسمح بأن يعطيها شخص لنفسه
بس بجد موضوع هايل وعرفني حاجات كتير مكنتش عارفها واختلاف الرأي لايفسد للود قضية

ايتها الصداقة: لولاك لكان المرء وحيدا، وبفضلك يستطيع المرء ان يضاعف نفسه وان يحيا في
نفوس الاخرين. فولتير

AdMiNSTRATOR تاريخ التسجيل : 06/01/2010 العمر : 32

اولا يا استاذ احمد انت منور والله
وانا سعيد جدا بردك دة
لأنه من خلال ردك يتضح انك قريت الموضوع بعناية
ولكن احذر وهذا ليس تهديد لا سمح الله
احذر هنا بمعنى انتبه وافتح لى اذنيك على مصراعيها

اولا انا بحب ابدأ بالجانب المشرق ف أى حاجة
فاسمحلى أقول وأكرر وأعيد عبارتى الشهيرة

لا قرب خانق
ولا بعد يصنع جفاء
-----------
ولا أسمع اسرار تضايق صاحبها بعد ما يفوق
ولا أقول اسرار تضايقنى بعد ما أفوق
-----------
ولا أعطى لنفسى حقوق الأقرباء
ولا أسمح بأن يعطيها شخص لنفسه

ولقد قصدت ان أقوم بتقطيع عبارتى الشهيرة
قمت بتقطيعها وقلبى يتمزق ولكن كل شئ هائن فى سبيل سعادة البشرية
ولكن هناك سبب وراء تقطيعها سوف نتناوله فيما بعد

وأريد أن انوه ان سيادة سفير الحب اللى هو انت طبعا قال فى طيات رده على هذا الموضوع * بس برده فى حته عجبتنى وهى * ولقد كان يقصد بتلك الحته اللى عجبته عبارتى الشهيرة التى قطعتها ارباً ارباً امام أعين حضراتكم منذ قليل

وأسمحولى مادام قولنا *حته * وقولنا *عجبتنى* يبقى نتكلم عامية شوية بدل جو اللغة العربية اللى بدأت بيه ردى دة
حتى انا نفسى اتكلم عامية بحتة شويتين واهو الواحد كدة يقعد ويرحرح وتبقى ليلة يا عمدة

وارجع وافكركم ان احنا لسة فى اولا
بس اولا كدة كترت وخدت حقها وزيادة عاوزين نشوف اخواتها بقا ثانيا وثالثا
هييجى واح ويقولى هو لسة فيه ثانيا وثالثا
هقوله طبعا : اسكت ياض خالص دة فيه رابعا كمان ولا ايه احنا ورانا حاجة ادينا قاعدين واللما تحلى مع كوكاكولا على لمسة رقة

*انا اختلف معاك بكل المقاييس ليه بقي اولا انت شويه بتتكلم عن صداقة وشويه بتتكلم عن حب بين اتنين وشويه اتكلمت عن اتنين جمعتهم صدفه عشان مصالح . طريقه التعامل بين كل اتنين من اللى انت ذاكرهم مختلفه كليا* العبارة اللى سمعناها قصدى اللى شوفناها دلوقتى كانت اول حاجة خطها قلم سيادتك يوووووه قصدى كتبها كيبور حضرتك

ركز بقا معايا
بس قبل ما تركز خليك عارف انى هرد عليك بحوار
ولنعتبر ان انت كلامك بيبدا ب - وانا كلامى بيبدا ب * عشان انا بحب النجمة بصراحة
على بركة الله تعالى نبدأ

- انا اختلف معاك بكل المقاييس
* ليه بس باذن الله مفيش اختلاف ولا حاجة
-استنى بس منا هقولك ليه
* قول يا سيدى
-انت شويه بتتكلم عن صداقة وشويه بتتكلم عن حب بين اتنين وشويه اتكلمت عن اتنين جمعتهم صدفه عشان مصالح
* طيب وفيها ايه يعنى
- فيها ايه فيها كتير فيها ان سيادتك طريقة التعامل بين كل اتنين من اللى انت ذاكرهم مختلفة كليا
* لا كدة يبقى انت مفهمتنيش خالص
- طيب فهمنى
* طبعا هفهمك دة انا قاعد كل دة اصلا عشان افهمك بص يا سيدى انا مقصدتش اتكلم عنهم كل واحد لواحده وعلى فكرة مفيش حاجة قولتها عن اتنين جمعتهم مصالح
ولو قصدك على انى قولت ولو أساسا مكنتوش صحاب لكن جمعت بينكم الظروف هاتفارق من غير جروح غائرة
مجرد ما تخلص المصلحة كل واحد هاتاخده سكة بعيدة بس بذكريات جميلة
يبقى انا برضو مذكرتش حاجة زى كدة لانى بقول ولو اساسا مكنتوش صحاب مش معنى كدة انهم مش صحاب دة مجرد بس شمول لجميع الاحوال او تنبيه انها اكيد كدة مش هتبقى صداقة اصلا بس هتفترقوا برضو من غير جروح وبذكريات جميلة فما بالك بقا بالاصدقاء الاصدقاء اكيد هتفضل الذكريات الاجمل والاجمل ومش هيفترقوا برضو ولا حاجة
يبقى انا كدة جمعت بين الصداقة والحب صح
- صح
* طيب والصداقة والحب ايه مش واحد
- واحد ازاى يا عم انت بتقول ايه دى حاجة ودى حاجة خالص
* ههههههههههههه يبقى انت لسة برضو مفهمتنيش انا مقصدش يا استاذ كل حاجة لواحديها ما كنت عملت موضوع لدة وموضوع لدة انا اقصد ان الصداقة ممكن هتبقى حب بعد كدة ولا مش ممكن رد عليا
- ايوة طبعا ممكن
* دى مش ممكن وبس دة كتير قوى كمان انا بقا جيبتلك قصة الحب من الاول خالص من ساعة ما كانت مجرد صداقة

نيجى لتانى حاجة
انت معترض على
ان القرب قوى
القرب بزيادة
بيتبعه بعد وبمسافات شاسعة
ايوة طبعا ولكن بعد معنوى مش بعد حسى ملموس
وبعدين احنا مش اتفقنا فى الاول
لا قرب خانق
ولا بعد يصنع جفاء
ولا انت بترجع فى كلامك
وافكرك ان دة اول مقطع ف عبارتى اللى كانت عاجباك

تالت حاجة انت بتقول يعنى ايه حب او حبى براحة من غير آمال عالية وبتقول انك مش عارف انا بقصد بيها ايه
بصراحة انا كمان مش عارف انت تقصد معنا ها ولا ايه وعلى العموم نفسرها
حب انت او حبى انتى براحة بهداوة يعنى من غير آمال عالية يعنى مش كل حاجة ف وقت واحد
ودة اصلا كان اجابتى على السؤال
عاوز/ة تحافظ/ي على أي علاقة مع حد بتحبه

نيجى بقا بالنسبة لحكاية يعنى ايه ممكن تحكيله حاجات تضايقك بعدين وبتقول كدة خلاص بقينا بنتكلم على اتنين كارهين بعض والعلاقة انتهت من وجهة نظرك
هقولك لا دى مش انتهت دى هتبتدى واقولك بقا ازاى

قالتلى قول حبيتها ولا محبتهاش مرضتش ارد
قالتلى قول .. قلتلها بلاش يا حبيبتى بلاش
دى حكاية وخلصت مش عارف هتفيدنا بايه
دى حكاية وعدت ونسيتها فاكراها ليه
حلفت لاقول .. ويارتنى قولت محبتهاش

اول ما قلت بعينى كنت بحبها
حسيت كأن الكلمة جرحت قلبها
قالتلى كمل .. قلت اكمل ايه بقى
انا قلت ازاى ياقلبى جرحتها

الله عليك يا عم عمر و دياب
كدة وضحت ولا لسة
طيب بلاش
مش احنا اتفقنا فى الاول
ولا أسمع اسرار تضايق صاحبها بعد ما يفوق
ولا أقول اسرار تضايقنى بعد ما أفوق
ها اقول كمان اظن كدة كفاية

نيجى بقا لحكاية
كل ما تحس إن اللي قدامك ده غاية مرادك من الحياة
مش الانسان ساعات بيلاقى انسان بمواصفات ويقول ايوة هو دة الانسان اللى بدور عليه
هو دة مقصدى من غاية مرادك من الحياة
بلاش نجيبها من المنظور دة وبلاش يا سيدى غاية مرادك اللى مزعلاك
هنقول انك اخترت انسان وحبيته ومش عاوز يحصل حاجة تخليكوا تنفصلوا او يحصل زعل بينكم
يبقى تعمل ايه
كل ما تحس إن اللي قدامك ده غاية مرادك من الحياة
إنفصل وارجع لورا شوية من غير زعل ولا مشاكل
هاتشتاق ويشتاق لو الصداقة شوف شوف خلى بالك رجعنا لموضوع الصداقة اهو تانى لو الصداقة اللى فى الاول اللى كانت المحطة الاولى كانت حقيقية
ومش ها تبعدوا طالما متفاهمين
وها تحترموا الخصوصيات والمشاغل
وتخرجوا نفسكم من أسلوب القمص والخصام والعتاب اللي بيخسر الناس بعضها
وابعد يا شوشو عننا واوعى تقرب مننا

السر في كونك شخصا مثيرا للملل ، هو أنك تقول كل شئ ( دة فولتير برضو على فكرة )

ويارب تكون وجهة نظرى وصلت

نورت الموضوع يا احمد والله

موضوع: الأربعاء 06 أكتوبر 2010, 11:10 am

خليني ابقى ارد عليك على انفراد احسن بس عندي تسااااؤل اخير معلش

هي دي ايه علاقتها بالموضوع هههههههههههههه

السر في كونك شخصا مثيرا للملل ، هو أنك تقول كل شئ

AdMiNSTRATOR تاريخ التسجيل : 06/01/2010 العمر : 32

السر في كونك شخصا مثيرا للملل ، هو أنك تقول كل شئ

تحمل فى طياتها ويترتب عليها كثير من المفاهيم التى تفسر اشياء كثيرة طلبت تفسيرها

حب براحة او حبى بشويش يعنى متقولش كل شئ مرة واحدة وبلغة الكمبيوتر متنزلش بكل الداتا بتاعتك مرة واحدة

طيب انت بتقول كل حاجة والعبارة بتقول لو قولت كل حاجة هتبقى ممل

طيب والملل دة بيعمل ايه مش بيسبب نوع من البعد المعنوى فى العلاقة

اذن

ان القرب قوى
القرب بزيادة
بيتبعه بعد وبمسافات شاسعة

وهو المطلوب اثباته
وكدة تبقى المعادلة اتحلت
ومنتظر رايك على انفراد بس مش عارف هنلاقى مكوجى فاتح ساعتها ولا لا
لأن المفرود عند المكوجى

لاتكن سوفسطائيا

AdMiNSTRATOR تاريخ التسجيل : 06/01/2010 العمر : 32

دلل بالشهود والبراهين
والمتهم برئ حتى تثبت ادانته

موضوع: الأربعاء 06 أكتوبر 2010, 11:46 am

لو كان سقراط موجودا لما حدث ما حدث

AdMiNSTRATOR تاريخ التسجيل : 06/01/2010 العمر : 32

لا تبكى على اللبن المسكوب

king

موضوع: الأربعاء 06 أكتوبر 2010, 11:52 am

هههههههههههههههههههههههههههههههههههه

حلينا الخناقة والحمد لله وصالحنا الناس على بعضيها ( مش هنقول ممنوع الدخول ) Ist2854146dontcryoversp

فيلسوف صغنون تاريخ التسجيل : 23/02/2010 العمر : 33

موضوع جميل
وصلت الفكرة
انا كمان كنت مستغربه لانك شوية تقول صداقه وشوية تقول حب
هى الفكرة حلوة بس ممكن نعدلها ونقول اننا منتكلمش كتير وبس ندى فرصه للشخص التانى يتكلم ومش طول الوقت نتكلم ومنسمعش لازم نسمع الشخص التانى
وعلى فكرة الكلام ده مينفعش نطبقه خالص مع الصديق بس ممكن ف الحب
لان الصديق ده كل اسرارك معاه ولوفكرت لحظه ف كلام انت بتقولهوله او مش مأمنه على سر ميبقاش صديق يبقا بقا زى ما حضرتك بتقول مش صديق ولازم نخلى فى مسافه بينا ونخون ومنقولش اى اسرار ليه
اما بقا الحبيب ممكن فعلا المقصود اننا نحكم عقلنا وده صح علشان منندمش على حاجه

بس انا رأيى ان وقت القضا بيعمى البصر يعنى لو مكتوبلك حاجه هتشوفها
وفعلا محدش يندم على اى حاجه ده قدر ولازم دايما نقول الحمد لله
ده كان رأيى ...
موضوع جميل جزاك الله خيرا

واستفسار اخير يعنى ايه بقا

مش كل سمكة مملحة يخدعنا بطروخها

هههههههههههههههههههههههههههههههههه

AdMiNSTRATOR تاريخ التسجيل : 06/01/2010 العمر : 32

مشكورة سهر على مرورك
وعلى رايك
وانتى الحمد لله مفيش اى اعتراض غير على
(مش كل سمكة مملحة يخدعنا بطروخها)
بس انا معنديش صلاحية انى افسر المثل دة
ممكن تسالى اى حد كبير عندك فى البيت ويا سلام لو جدتك
هتجيبلك المفيد
هههههههههههههههههه

فيلسوف نشيط تاريخ التسجيل : 11/01/2010 العمر : 37

جميل جدا جدا جدا أن يكون شخص واقع فى حب شخصا آخر

مهما إختلفت تسميته

ولكن دائما أنت تحب هذا فتشعر برغبة فى أن تتحدث معه وتفرغ كل محتويات قلبك معه

ولكن إيضا نفس الرغبة تمتلكك فى أن تسمعه وتستقبل محتويات قلبه

وإن إختلف الموضوع عن هذا فلا يوجد حب بينكم من الأساس

» هو اٍحنا فين من كل دة ...؟ ( ممنوع الدخول لكارهى اللغة العامية البحتة )
» خناقة قبل الاكل وبعده .... ( ممنوع الدخول لكارهى جده وجدته )
» اداب الدخول بين يدى الله
» احق الناس بصحبتي